ग्रीष्मकालिन पेरिस ओलम्पिक, २०२४ सम्पन्न भयो ।

🔄 ग्रीष्मकालिन पेरिस ओलम्पिक, २०२४ सम्पन्न

✅ विजेता राष्ट्र :- अमेरिका (अमेरिका र चीनको समान ४० स्वर्ण पदक भएपनि समग्र पदक तालिकामा अमेरिका अगाडि रहदै उपाधि जित्न सफल भएको)

✅ कहाँ भएको : पेरिस, फ्रान्स

✅ ओलम्पिक मस्कट :- Olympic Phryge

✅ पेरिस ओलम्पिक २०२४ को आदर्श वाक्य "गेम्स वाइड ओपन" (फ्रान्सेली: Ouvrons grand les Jeux) थियो ।

✅ कसले आयोजना गर्छ : अन्तर्राष्ट्रिय ओलम्पिक कमिटी (IOC)

✅ कहिले संचालन :- २६ जुलाई २०२४- ११ अगष्ट २०२४

✅ आगामी सन् २०२८ मा हुने ३४ औं ग्रीष्मकालिन ओलम्पिक अमेरिका तथा सन् २०३२ हुने ३५ औं ग्रीष्मकालिन ओलम्पिक ब्रिसबेन, अष्ट्रेलियामा आयोजना हुनेछ ।

🔄अन्य जानकारी

यस ओलम्पिकमा नेपाल बाट जम्मा ७ खेलाडी सहभागी भएका थिए । नेपाल बाट चार महिला र तीन पुरुष खेलाडीसहित सातजनाले प्रतिस्पर्धा गरेका थिए । जसमध्ये टेबलटेनिसका स्यान्टु श्रेष्ठले छनोट प्रतियोगिता पार गरी स्थान बनाएका थिए । तेक्वान्दोका संगीना वैद्य र दीपक विष्टपछि स्यान्टु छनोट भएर सीधै ओलम्पिक खेल्ने तेस्रो नेपाली खेलाडी हुन् । अन्य खेलाडीले वाइल्ड कार्ड पाएका हुन् । युनिभर्सालिटी कोटामा एथलेटिक्सबाट धाविका सन्तोषी श्रेष्ठ, पौडीबाट डुबाना लामा र एलेक्जेन्डर शाह, ब्याडमिन्टनबाट प्रिन्स दाहाल, सुटिङबाट सुस्मिता नेपाल र जुडोकी मनिता श्रेष्ठ प्रधानले ओलम्पिक खेलेका थिए। म्याराथनमा सन्तोषी श्रेष्ठले ७९ औं स्थानमा रहदै दौड पुरा गरेकि थिइन ।

नेपाली पौडीबाज खेलाडी एलेक्जेन्डर शाह पेरिस ओलम्पिक २०२४ को १०० मिटर फ्री स्टाइलमा नयाँ राष्ट्रिय कीर्तिमान कायम गरे। एलेक्जेन्डरले ५१.९१ सेकेन्डको नयाँ कीर्तिमान कायम गरेका हुन्। यसअघि उनकै नाममा ५२.१७ सेकेन्डको कीर्तिमान थियो। उनले सन् २०२४ को फेब्रुअरीमा दोहाको वर्ल्ड एक्वेटिक्स च्याम्पियनसिपमा सो कीर्तिमान बनाएका थिए ।